Իշխան Սաղաթելյանի բնակարանը խուզարկել են ԴԱՀԿ–ի պահանջները չկատարելու համար

Ինչ–որ վարույթի շրջանակներում խուզարկություն են իրականացնում ԴԱՀԿ–ի պահանջները չկատարելու համար։ Այս մասին այսօր՝ հունիսի 23–ին, լրագրողների հետ զրույցում ասել է «Հայաստան» խմբակցության պատգամավոր Իշխան Սաղաթելյանը՝ անդրադառնալով այսօր առավոտյան իր տան խուզարկությանը։

Նա նշել է, որ գործը նոր է հարուցվել՝ վերջին մի քանի օրերին։

Հիշեցնենք, որ իրավապահներն այսօր առավոտյան ժամը 8.30–ի սահմաններում խուզարկել են «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանի բնակարանը։ Փաստաբան Սերգեյ Հարությունյանը հայտնել էր, որ բնակարանի խուզարկությունն ավարտվել է, ոչինչ չի հայտնաբերվել։ Հիմա էլ փորձում են խուզարկել նրա ավտոմեքենաները։