Քաղաքացիները մտահոգվելու առիթ չունեն. Խուդաթյանը՝ գազի սակագնի հնարավոր բարձրացման մասին

«Քաղաքացիները մտահոգվելու առիթ չունեն գազի սակագնի հնարավոր բարձրացման հետ կապված»:

Այս մասին Ազգային ժողովում լրագրողների հետ զրույցում հավաստիացրել է տարածքային կառավարման և ենթակառուցվածքների նախարար Դավիթ Խուդաթյանը:

«Մենք գազը ստանում ենք կանոնավոր գրաֆիկով, այն սակագնով, որը գոյություն է ունեցել, այդ սակագները սահմանված են պայմանագրով, որոնք դեռ ժամկետի մեջ են: Մենք հիմա շարժվում ենք այդ պայմանագրով: Մեր աշխատանքային հարաբերություններում ոչինչ չեն փոխվել»,- հայտարարել է նախարարը։

Խուդաթյանի խոսքով՝ Հայաստանի համար գազի գնի հնարավոր թանկացման հարցի շուրջ այլ զարգացումներ չկան: