Հայաստան
19 մայիսի 2026 • 20:28
Քարոզարշավում 71 խախտման ահազանգ է ստացել, մեծ մասը վերաբերում է ՔՊ-ին. «Արդար քվե»
«Արդար քվե» դիտորդական առաքելությունը 2 դիմում է ուղարկել Կենտրոնական ընտրական հանձնաժողով՝ կապված ՔՊ-ի կողմից թույլ տրված առերևույթ իրավախախտումների հետ։
«Արդար քվե» դիտորդական առաքելությունը մայիսի 8-ից 14-ն ընկած ժամանակահատվածում ստացել է պաշտոնական քարոզարշավի կանոնների 78 առերևույթ խախտման մասին ահազանգ։ Այս մասին հրավիրված ասուլիսի ժամանակ ասել է առաքելության ղեկավար Սոնյա Համբարձումյանը։ Վերջինիս խոսքով՝ իրավաբանական խմբի հետ խորհրդակցության արդյունքում այդ դեպքերից առանձնացրել են 71-ը։
«16 դեպք պաշտոնական դիրքի, վարչական ու պետական ռեսուրսների չարաշահման մասին է, 12 դեպք՝ ատելության խոսքի, նվաստացման և քաղաքական անհանդուրժողականության։ Հիշեցնեմ, որ այս ամենն ընդամենը 7-8 օրվա ընթացքում ենք ստացել։ 3-րդ տեղում անչափահասների ու երեխաների ներգրավումն է քարոզարշավում՝ 7 դեպք»,– ասաց Համբարձումյանը։
«Արդար քվե» դիտորդական առաքելությունը 2 դիմում է ուղարկել Կենտրոնական ընտրական հանձնաժողով՝ կապված ՔՊ-ի կողմից թույլ տրված առերևույթ իրավախախտումների հետ։
«Մեկն այն է, որ ՀՀ վարչապետը պաշտոնական կայքէջով է իրականացնում իր ընտրարշավը, հաջորդը՝ առանց սեփականատիրոջ համաձայնության քարոզչական նյութերի փակցնելն է մասնավոր տարածքներում։ Այս դեպքերով ԿԸՀ-ն վարչական վարույթ չի նախաձեռնել»,– մանրամասնեց Սոնյա Համբարձումյանը։
Կարդացեք նաև
Հայաստան29 մայիսի 2026
Քննարկվել են Հանրապետության հրապարակի և Օպերային թատրոնի 100-ամյակների միջոցառումների առաջարկները
Ներկաներն արձանագրել են, որ հաշվի առնելով կառույցների պետական ու պատմամշակութային բացառիկ դերը, միջոցառումների մեկտեղումը լիովին հնարավոր է՝ կախված ծրագրերի բովանդակությունից։
Հայաստան29 մայիսի 2026
«Ուժեղ Հայաստան» դաշինքի հետ կապված ձայնագրությունները մտացածին են. Մելոյան
Նախաքննական մարմինը նոր ձայնագրություն է հրապարակել։
Հայաստան29 մայիսի 2026
Հանրապետության տոնի առթիվ ՔԿ նախագահի հրամանով մի շարք ծառայողներ պարգևատրվել են
Այս մասին հայտնում են գերատեսչության մամուլի ծառայությունից։