Քիր Սթարմերը մտադիր է գլխավորել ՆԱՏՕ-ն

Մեծ Բրիտանիայի վարչապետի պաշտոնը լքող Քիր Սթարմերը Լեյբորիստական կուսակցության նոր ղեկավարի ընտրությունից հետո հետաքրքրված է ՆԱՏՕ-ի գլխավոր քարտուղարի պաշտոնով, գրում է բրիտանական The Observer-ը։

Հյուսիսատլանտյան դաշինքի գլխավոր քարտուղարի պաշտոնը թափուր կդառնա 2028 թվականին, և, ըստ պարբերականի, Քիր Սթարմերը հույս ունի նոր կառավարության աջակցությամբ առաջադրել իր թեկնածությունը։

Պարբերականի աղբյուրների փոխանցմամբ՝ Քիր Սթարմերը սերտ հարաբերություններ է հաստատել եվրոպացի առաջնորդների հետ։ Հունիսին անցկացված G7-ի գագաթնաժողովում այլ երկրների ղեկավարները բարձր են գնահատել նրան։ Սակայն ՆԱՏՕ-ի գլխավոր քարտուղարի պաշտոնում առաջադրվելու համար Քիր Սթարմերին անհրաժեշտ կլինի կառավարության «կայուն աջակցությունը»։