ՔՊ–ին առաջարկում եմ համաձայնության գալ և «հակասաֆարովյան օրենք» ընդունել․ Նարեկ Կարապետյան

«Ուժեղ Հայաստան» խմբակցության ղեկավար Նարեկ Կարապետյանը շեշտում է՝ կարևոր է ունենալ խաղաղություն, բայց դրա հետ միասին ժողովրդագրորեն անվտանգ երկիր։

«Մեր շատ կոլեգաներ ասացին՝ ինչո՞ւ եք ժողովրդին լարում այս հարցով։ Եկեք չլարենք։ Մենք ունենք առաջարկ՝ մեկ  օրենքով այդ հարցը լուծվում է։ Եկեք ընդունենք օրենք, որով իրավունք չենք տալիս ադրբեջանցիներին 10 օրից ավելի գտնվել մեր երկրում և ունենալ գույք կամ հող մեր երկրում, դրանով մեր հարցերը սպառվում են»,- ասաց Կարապետյանը՝ հավելելով, որ Թուրքիան նման օրենք ունի Հայաստանի մասին․ ՀՀ քաղաքացիներն այնտեղ հող գնելու իրավունք չունեն։