ՔՊ-ն առաջարկում է ստեղծել պատգամավորական էթիկայի ժամանակավոր հանձնաժողով. մանրամասնություններ

Ազգային ժողովի «Քաղաքացիական պայմանագիր» խմբակցությունը ներկայացրել է պատգամավորական էթիկային առնչվող հարցերով ԱԺ ժամանակավոր հանձնաժողով ստեղծելու մասին որոշման նախագիծ: Օգոստոսի 10-ի ԱԺ նիստում նախագիծը ներկայացրեց ՔՊ խմբակցության պատգամավոր Արուսյակ Ջուլհակյանը:

Նախագծով առաջարկվում է ստեղծել 10 անդամից բաղկացած հանձնաժողով՝ 2 տարի գործունեության ժամկետով:

Անդամների բաշխվածությունն ու ղեկավարման ռոտացիոն կարգը.

Անդրադառնալով էթիկայի նորմերի խախտման հետևանքներին՝ Արուսյակ Ջուլհակյանը նշեց, որ թեև «ԱԺ կանոնակարգ» օրենքով սահմանված են որոշակի սանկցիաներ, խախտումները հիմնականում պետք է հասցվեն նվազագույնի հանրային պարսավանքի ինստիտուտի միջոցով:

«Կարևորագույն սանկցիան, իմ կարծիքով, հանրային պարսավանքի ինստիտուտն է, և ոչ թե լոկ սանկցիաների կիրառումը»,- ընդգծեց պատգամավորը: