Կարապետյանն առաջարկում է ընդդիմության խորհրդի նիստին հրավիրել տարբեր երկրների ղեկավարներին

«Ուժեղ Հայաստան» կուսակցության նախագահ Սամվել Կարապետյանն առաջարկում է դիմել Ռուսաստանի Դաշնության, Չինաստանի, ԱՄՆ-ի, Եվրոպական միության և մի շարք այլ առանցքային երկրների ղեկավարներին՝ հրավիրելով նրանց մասնակցելու հայաստանյան միասնական ընդդիմության առաջին խորհրդի նիստին։ Լրատվամիջոցների հետ հանդիպման ժամանակ այս մասին հայտարարել է կուսակցության ղեկավարը։

Սամվել Կարապետյանի փոխանցմամբ՝ նիստին պետք է ապահովվի միջազգային լայն ներկայացվածություն:

«Այդ նիստին պետք է հրավիրել նաև շատ այլ երկրների դեսպանների, միջազգային կառույցների ղեկավարներին, որպեսզի նրանք լսեն հայաստանյան միասնական ընդդիմության մտահոգությունները»,- նշել է նա:

Կուսակցության առաջնորդը նաև տեղեկացրել է քաղաքական դաշտում սպասվող առաջիկա զարգացումների և հանրային միջոցառումների մեկնարկի մասին։

•  Շուտով բոլոր ընդդիմադիր ուժերի մասնակցությամբ կհրավիրվի համատեղ հանրահավաք:

•  Սամվել Կարապետյանն առաջարկում է այն կոչել «Ուժեղ և վստահելի հանրահավաք»։

«Միայն այդ դեպքում մենք կարող ենք մեր ժողովրդի ռեալ աջակցությունը ստանալ»,– ընդգծել է բանախոսը՝ հավելելով, որ սա հանրային վստահությունը վերականգնելու առանցքային քայլերից է։