Կարելի է ասել, որ այսօր Հայաստանը Եվրոպայի սիրտն է. ԱԳ փոխնախարար

ԱԳ նախարարի տեղակալ Վահան Կոստանյանն ասել է,որ Եվրոպական քաղաքական համայնքի 8-րդ գագաթնաժողովի ընթացքում, ըստ էության, միախառնվելու են խնդիրները, որոնք ՀՀ-ի համար ունեն ազգային կարևորություն, և այն թեմաները, որոնք հետաքրքիր են ընդհանուր եվրոպական մասշտաբով։

«Հիմնական քննարկումներն ու ուղղությունները լինելու են հիբրիդային վտանգները և ժողովրդավարական դիմակայունությունը, հաղորդակցությունը, կանաչ փոխակերպումը և էներգետիկան»,- նշել է նա։

Նրա գնահատմամբ՝ կարելի է ասել, որ այսօր «Հայաստանը Եվրոպայի սիրտն է»։