Հայաստան
16 հունիսի 2026 • 08:16
Կառավարության նպատակն է նվազեցնել պարտքի չափը 45%-ից ներքև․ Վահե Հովհաննիսյան
Հովհաննիսյանի դիտարկմամբ՝ դա իր հերթին հնարավորություն կտա ավելի մեծ ռեսուրսներ ուղղել սոցիալական և մարդկային կապիտալի զարգացմանն ուղղված նախաձեռնությունների համար։
ՀՀ կառավարության առաջիկա տարիների նպատակն է լինելու պարտքի չափը նվազեցնել 45 տոկոսից ներքև մակարդակի, ԱԺ-ում հայտարարել է ՀՀ ֆինանսների նախարար Վահե Հովհաննիսյանը։
«Դա հնարավորություն կտա պարտքի սպասարկման ծախսերը բյուջեի եկամուտներում 12,1 տոկոսից նվազեցնել 10 տոկոսի»,- ասել է նախարարը։
Հովհաննիսյանի դիտարկմամբ՝ դա իր հերթին հնարավորություն կտա ավելի մեծ ռեսուրսներ ուղղել սոցիալական և մարդկային կապիտալի զարգացմանն ուղղված նախաձեռնությունների համար։
Նախարարը նաև նշել է՝ պարտքի բեռը 50 տոկոսից ցածր շրջանակումպահելն առաջնահերթություն է կառավարության համար։ 2025թ․ կառավարության պարտք/ՀՆԱ ցուցանիշը կազմել է 47,2 տոկոս՝ նախորդ տարվա համեմատ նվազելով 0,5 տոկոսով։
Հովհաննիսյանի փոխանցմամբ՝ նվազել է պարտքի ներգրավման գինը։ 2025թ․ տեղաբաշխված պետական պարտատոմսերի միջին կշռված եկամտաբերությունը կազմել է 9,2 տոկոս կամ 0,6 տոկոսային կետով ավելի ցածր, քան 2024թ–ին։
Անցած տարի կառավարության վարկերի միջին կշռված տոկոսադրույքը նվազել է 0,3 տոկոսով։ Ըստ նախարարի՝ վերջին 4 տարիների ընթացքում առաջին անգամ է, որ պետական պարտքի գծով տոկոսավճարների գինը եկամուտների համեմատ նվազել է։
Կարդացեք նաև
Հայաստան17 հունիսի 2026
Ստոկհոլմի արբիտրաժային տրիբունալը բավարարել է ՀԷՑ-ի գործով Հայաստանի Կառավարության առանցքային միջնորդությունը
Միջազգային տրիբունալը բավարար հիմքեր է տեսել Հայաստանի Կառավարության ներկայացված բոլորը փաստարկները վարույթի նախնական փուլում առանձին քննության առարկա դարձնելու համար։
Հայաստան17 հունիսի 2026
Դատախազությունը խախտումներ է հայտնաբերել շուրջ 458 հա մակերեսով հողամասն «Արարատցեմենտ» ընկերությանը վարձակալությամբ տրամադրելու գործընթացում
Հայց է ներկայացվել դատարան։
Հայաստան17 հունիսի 2026
Նախագիծ միտված Հսկիչ դրամարկղային մեքենաների համակարգի հետագա թվայնացմանը, էլեկտրոնային ՀԴՄ-ի կիրառության ոլորտների ընդլայնմանը
Նախագիծը քննարկվել է Ազգային ժողովի՝ հունիսի 17-ի հերթական նիստում և ընդունվել առաջին ընթերցմամբ: