Կառավարությունը 63 միլիոն դրամ է հատկացնում «Հրազդան» մարզադաշտի վերանորոգման համար

Կառավարության հուլիսի 9-ի նիստում ընդունված որոշման համաձայն՝ 63 միլիոն 135 հազար դրամ է հատկացվել Երևան քաղաքի «Հրազդան» մարզադաշտում վերանորոգման ու շինարարական աշխատանքներ իրականացնելու համար։   

Այս ֆինանսական միջոցները տրամադրվելու են նախագծանախահաշվային փաստաթղթերի մշակմանը։   

«Հրազդան» մարզադաշտում միջազգային չափանիշներին համապատասխանող անհրաժեշտ ենթակառուցվածքների ապահովումը կապված է 2027 թվականին Հայաստանում անցկացվելիք Ֆրանկոֆոնիայի համաշխարհային խաղերի հետ, որոնց շրջանակում հենց այս վայրում են կազմակերպվելու թեթև աթլետիկայի մրցումները։