Կացարաններից մինչև ջրավազաններ․ ամփոփվել են ՄԱԶԾ-ի երկամյա ծրագրի արդյունքները

ՀՀ տարածքային կառավարման և ենթակառուցվածքների (ՏԿԵ) նախարարի տեղակալ Առնակ Ավետիսյանն ընդունել է ՄԱԿ-ի Զարգացման ծրագրի (ՄԱԶԾ) Հայաստանում մշտական ներկայացուցչի տեղակալ Կոնստանտին Զոկուլսկիին, հայտնում են ՏԿԵՆ–ից։ Հանդիպման առանցքում եղել է «Լեռնային Ղարաբաղից տեղահանված անձանց և ընդունող համայնքների համար հիմնական ենթակառուցվածքների և սոցիալական ինտեգրման աջակցության ծրագրի» արդյունքների քննարկումը։

Երկամյա ծրագրի իրականացման շնորհիվ Հայաստանի համայնքներում գրանցվել են հետևյալ արդյունքները.

• Կառուցվել է 10 կացարան,

• Վերանորոգվել է 10 գյուղական ամբուլատորիա,

• Տեղադրվել է 74 էներգետիկ կայան,

• Ճամբարակ և Գորիս բնակավայրերում կառուցվել են ջրավազաններ։

Նախարարի տեղակալ Առնակ Ավետիսյանն ընդգծել է ՄԱԿ-ի Զարգացման ծրագրերի կարևորությունը Հայաստանի համայնքների հզորացման, ապակենտրոնացման և սոցիալական զարգացման գործում։

Կողմերը բարձր են գնահատել համատեղ աշխատանքի արդյունավետությունը և նախանշել առաջիկա պլանավորվող ծրագրերի շրջանակը: