ԿԸՀ–ն արձագանքել է Ռոբերտ Քոչարյանի հայտարարությանը

«Ըստ Ընտրական օրենսգրքի 13-րդ հոդվածի 1-ին մասի երկրորդ նախադասության` քվեարկությանը մասնակցած ընտրողների ցուցակները, բացառությամբ զորամասում, քրեակատարողական հիմնարկում և ձերբակալված անձանց պահելու վայրում կազմվող` ընտրողների ստորագրված ցուցակների, հրապարակվում են սույն օրենսգրքով սահմանված կարգով: Ընտրական օրենսգրքի կարգավորումը հուշում է, որ ՀՀ ԱԺ ընտրությունների ժամանակ ընտրողների ցուցակների հրապարակված մասի ստորագրությունները և ընտրությունների ընդհանուր մասնակիցների թվերը կարող են տարբերվել։ Կրկին հիշեցնում ենք, որ զորամասերում հաշվառված և քվեարկությանը մասնակցած ընտրողների թիվը որևէ ձևաչափով հրապարակման ենթակա չէ»,– ասված է ԿԸՀ–ի հաղորդագրության մեջ։