Կիևում հանդիպել են Ուկրաինայի և Ադրբեջանի ԱԳ նախարարները

Ուկրաինայի արտաքին գործերի նախարար Անդրեյ Սիբիհան հանդիպել է իր ադրբեջանցի գործընկեր Ջեյհուն Բայրամովի հետ, որը պաշտոնական այցով գտնվում է Կիևում։

Ըստ ադրբեջանական ԶԼՄ-ների՝ Բայրամովը և Սիբիհան այցելել են Արտաքին գործերի նախարարության այգում գտնվող Ուկրաինայի զոհված պաշտպանների հուշարձան, ծաղկեպսակ են դրել հուշարձանի մոտ և  հարգել զոհվածների հիշատակը։

Պաշտոնական դիմավորման արարողությունից հետո արտաքին գործերի նախարարները շրջել են Ուկրաինայում արտադրված անօդաչու թռչող սարքերի ցուցահանդեսում։

Այժմ ընթանում է Ադրբեջանի արտաքին գործերի նախարար Ջեյհուն Բայրամովի և Ուկրաինայի արտաքին գործերի նախարար Անդրեյ Սիբիհայի դեմ առ դեմ հանդիպումը, գրում են ադրբեջանական ԶԼՄ-ները։