Կիևյան կամրջի հիմնանորոգման տեմպը բավական լավն է․Ավինյան

Կիևյան կամրջի հիմնանորոգման տեմպը բավական լավն է, կարևորը պահպանելն է և մեր նշված ժամկետներում ավարտելը, որովհետև, որքան էլ այս աշխատանքների նպատակն անվտանգության ապահովումն է, այնուամենայնիվ, այս աշխատանքները բազմաթիվ խնդիրներ են ստեղծում քաղաքում՝ խցանումների հետ կապված։

Այս մասին գործակարգավարական խորհրդակցության ժամանակ ասել է Երևանի քաղաքապետ Տիգրան Ավինյանը:

«Մեր վերահսկողությունը ժամկետների և աշխատանքի որակի հետ կապված պետք է շատ ինտենսիվ լինի»,- ասել է քաղաքապետը։