Կնքվել է պայմանագիր FlyOne Armenia և Airbus ընկերությունների միջև

Հայաստանի և Ֆրանսիայի առաջնորդների ներկայությամբ FlyOne Armenia-ն և Airbus-ը ստորագրեցին սեփականության իրավունքով երկու Airbus A321-200NX տիպի օդանավերի ձեռքբերման պայմանագիր։

Ինձ համար՝ որպես FlyOne Armenia-ի հիմնադիր, այս պահը ոչ միայն նշանակալի էր, այլև հուզիչ։ Սա այն հանգրվաններից է, երբ երկար տարիների աշխատանքը, հավատը և հետևողականությունը վերածվում են տեսանելի արդյունքի։

 

Առանց չափազանցության պետք է նշեմ, որ այս համաձայնագիրը պարզապես նոր օդանավերի ձեռքբերման մասին չէ, թեև դա էլ ինքնին աննախադեպ իրադարձություն է հայկական ավիացիայի համար։ Այն նաև FlyOne Armenia-ի ինստիտուցիոնալ կարողությունների, մասնագիտական ներուժի, գիտելիքի և միջազգային վստահության ամրապնդման կարևոր վկայություն է։ Ես հպարտ եմ այս համագործակցությամբ և ուրախ եմ, որ Airbus-ի հետ հանդես ենք գալիս որպես անմիջական գործընկեր»,- ասվում է ընկերության հաղորդագրության մեջ:

 

Ընկերությունը վստահություն է հայտնել, որ այս գործընկերությունը կդառնա FlyOne Armenia-ի հետագա վերելքի հիմքը։