Լուկաշենկոն հայտնել է Զելենսկու ներկայացուցիչների հետ հանդիպման մասին

Բելառուսի նախագահ Ալեքսանդր Լուկաշենկոն պատմել է Ուկրաինայի նախագահ Վլադիմիր Զելենսկու ներկայացուցիչների հետ հանդիպման մասին, հաղորդում է Белта-ն։

«Ես Զելենսկու ներկայացուցիչներին ուղիղ ասացի՝ «Փոխանցեք ձեր Նախագահին, որ եթե նա կարծում է, թե կարելի է մեզ հետ այսպես խոսել և մեզ էլ ներքաշել պատերազմի մեջ, ապա նա պետք է հասկանա, որ պատերազմի որակն ակնթարթորեն կփոխվի: Դա բոլորովին այլ պատերազմ կլինի»։ Ի դեպ, մենք ստացել ենք պատասխանը․ նախագահը դա հասկանում է, ուստի պետք է պայմանավորվել»,–ասել է Լուկաշենկոն։