Մահացել է պայմանագրային զինծառայող

Քննչական կոմիտեն տեղեկացնում է, որ նախօրեին ՊՆ զորավարժադաշտում մահացել է պայմանագրային զինծառայող։  Իր ֆեյսբուքյան էջում հայտնել է ՔԿ խոսնակ Կիմա Ավդալյանը։

Դեպքի առթիվ հարուցվել է քրեական գործ՝ Քրեական օրենսգրքի 550-րդ հոդվածի 3-րդ մասի (զինվորական պաշտոնեական անփութություն, որն անզգուշությամբ առաջացրել է մարդու մահ) և 532-րդ հոդվածի 3-րդ մասի (զենքի, ռազմամթերքի, ռազմական տեխնիկայի կամ այլ վտանգավոր նյութերի հետ անզգուշաբար վատ վերաբերմունք, որն առաջացրել է մահ) հատկանիշներով։