«Մարտի 1–ի» գործով հետապնդում է հարուցվել 4 բանակային կորպուսների հրամանատարների նկատմամբ

Նախկին հրամանատարներ Պ.Պ.-ն (Պողոս Պողոսյան, 4-րդ բանակային կորպուսի նախկին հրամանատար. խմբ․), Վ.Գ.-ն (Վալերի Գրիգորյան, 2-րդ բանակային կորպուսի նախկին հրամանատար. խմբ․), Հ.Բ.-ն (Հայկազ Բաղմանյան, 5-րդ բանակային կորպուսի նախկին հրամանատար, հետագայում՝ գլխավոր շտաբի պետի տեղակալ. խմբ․) և Լ.Ե.-ն (Լևոն Երանոսյան, 3-րդ բանակային կորպուսի նախկին հրամանատար, հետագայում՝ ոստիկանության զորքերի հրամանատար. խմբ․) մեղադրվում են նախկին Քրեական օրենսգրքի 38-309-րդ հոդվածի 3-րդ մասով (պաշտոնատար անձի կողմից պաշտոնեական լիազորություններն անցնելուն օժանդակելը, որն էական վնաս է պատճառել՝ առաջացնելով ծանր հետևանքներ):