Մատաղիսում պայթուն է եղել, ադրբեջանցի վիրավորվել

Ադրբեջանի Աղդերեի շրջանում տեղի է ունեցել ականի պայթյուն է, հայտնում են ադրբեջանական ԶԼՄ-ները: Դեպքը գրանցվել է Սուգովուշենի, նույն ինքը՝ Մատաղիս բնակավայրի տարածքում։ Ըստ լուրերի՝ պայթյունի հետևանքով վիրավորվել է շրջանի բնակիչ Մահիր Աբդուլլա օղլու Մաղերրամովը։ Տուժածը տեղափոխվել է Թերթերի կենտրոնական շրջանային հիվանդանոց։ Դեպքի առթիվ իրականացվում է քննություն։ Ըստ Ադրբեջանի ՆԳՆ-ի, Գլխավոր դատախազության և Ականազերծման գործակալության մամուլի ծառայությունների տարածած տեղեկության համաձայն՝ Աղդերեի շրջանի Հաջիգերվենդ գյուղի բնակիչ Մաղերրամով Մահիր Աբդուլլա օղլուն (ծնված՝ 1982 թ.) աջ ոտքի վնասվածք է ստացել՝ հակահետևակային ականի պայթյունի հետևանքով, նախկին շփման գծի՝ ականներից չմաքրված տարածքում։