Մայր Աթոռը դեռ հրավեր չի ստացել ԱԺ անդրանիկ նիստին մասնակցելու համար

Թեև Ամենայն Հայոց Կաթողիկոսի մասնակցությունը նորընտիր խորհրդարանի առաջին նիստին ամրագրված է օրենքով, Մայր Աթոռը Նոր Նորքի նստավայրում այս պահին որևէ պաշտոնական հրավեր չունի։

NEWS.am-ի հետ զրույցում այս մասին հայտնել է Մայր Աթոռ Սուրբ Էջմիածնի տեղեկատվական համակարգի տնօրեն Տեր Եսայի քահանա Արթենյանը՝ հավելելով, որ փոփոխությունների կամ նոր տեղեկատվության դեպքում հանդես կգան լրացուցիչ ծանուցմամբ։

Ամենայն Հայոց Կաթողիկոսի մասնակցությունը Ազգային ժողովի անդրանիկ նիստին նախատեսված է «ԱԺ կանոնակարգ» սահմանադրական օրենքով։ 9-րդ գումարման Ազգային ժողովի առաջին նիստը նշանակված է օգոստոսի 2-ին՝ ժամը 10:00-ին։