Մեղրիում ռուս զինվորականները սահմանափակում են քաղաքացիների տեղաշարժը․ լրագրող

Լրագրող Ժիրայր Ոսկանյանը իր թելեգրամյան ալիքում հայտնել է, որ Մեղրիի Նռնաձորի ճանապարհին ռուս զինվորականների կողմից արձանագրվել են քաղաքացիների տեղաշարժի սահմանափակման դեպքեր, այս մասին նա հրապարակում է արել իր տելեգրամյան ալիքում։

Ըստ հրապարակման՝ ՀՀ և օտարերկրյա քաղաքացիների կանգնեցրել են ճանապարհին, պահանջել թույլտվություն՝ Նռնաձոր մուտք գործելու համար՝ պատճառաբանելով, որ անհրաժեշտ է համապատասխան գրանցում Մեղրիի խոշորացված համայնքում։

Հաղորդվում է, որ որոշ անձինք բերման են ենթարկվել, հարցաքննվել և պահվել մի քանի ժամ, ապա տեղափոխվել Մեղրիի ոստիկանություն, որտեղ նրանց, ըստ աղբյուրի, ցուցաբերվել է պատշաճ վերաբերմունք։

Նշվում է նաև, որ դեպքի վերաբերյալ ակնկալվում է պետական մարմինների արձագանքը և պարզաբանում՝ կապված սահմանափակումների իրավական հիմքերի հետ։