Մեկ տասնյակ աշխատակիցներ են բերման ենթարկվել Վանաձորի համայնքապետարանից
Հակակոռուպցիոն կոմիտեն հայտնել է, որ ձերբակալվածների կարգավիճակի մասին կհայտնի ավելի ուշ։ Բերման ենթարկվածների կազմում է նաև Գույքի կառավարման և եկամուտների հավաքագրման բաժնի նախկին պետ՝ Արմեն Այվազյանը։
Այսօր Վանաձորի համայնքապետարանից բերման են ենթարկվել մեկ տասնյակ աշխատակիցներ: Հակակոռուպցիոն կոմիտեից հայտնեցին, որ նրանցից մի քանիսը ձերբակալված են՝ առանց հստակեցնելու, թե քանի հոգի և ինչ մեղադրանքով:
Իրավապահները Գույքի կառավարման և եկամուտների հավաքագրման բաժնի 11 աշխատակիցներ են տարել դեռ 2023-ին հարուցված քրեական գործի շրջանակներում։ Վաղ առավոտյան իր տնից բերման է ենթարկվել նաև նույն բաժնի նախկին պետ Արմեն Այվազյանը: Հակաակոռուպցիոնից ասել են, որ ավելի ուշ կհայտնեն ,թե ինչ կարգավիճակ ունեն բերման ենթարկվածները, նշել է- "Ազատությունը":
Հակակոռուպցիոնի քննիչներն մոտ երկու տարի առաջ խուզարկել էին Արմեն Այվազյանի ղեկավարած բաժինը։ Նրան ու իր ենթականերին կրկին բերման էին ենթարկել և հարուցվել էր քրեական վարույթ: Քննիչների կասկածները վերաբերում էին համայնքին պատկանող հողատարածքների վարձակալության գործընթացներին։ Սակայն, այս գործով մեղադրյալներ մինչ օրս չկային։
Արմեն Այվազյանը անցած տարվա վերջում ներգրավվել էր մեկ այլ՝ կաշառքի վերաբերյալ քրեական գործում՝ որպես մեղադրյալ։ Նա սկզբում ձերբակալվել էր, սակայն ավելի ուշ ազատ էր արձակվել։ Հետագայում, սեփական դիմումի հիման վրա, նա ազատվել էր զբաղեցրած պաշտոնից, և համայնքապետի պաշտոնակատար Արկադի Փելեշյանը այդ պաշտոնում նշանակել էր նրա կնոջը՝ Լիլիթ Հովսեփյանին։
Կարդացեք նաև
Հայաստան1 ապրիլի 2026
Վթարային ջրանջատում Երևանի Շենգավիթ վարչական շրջանում
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Հայաստան1 ապրիլի 2026
ՀՀ տարածքում ավտոճանապարհները հիմնականում անցանելի են
Վարորդներին հորդորվում է երթևեկել բացառապես ձմեռային անվադողերով։
Հայաստան1 ապրիլի 2026
Ապարանում վերանորոգվում է թիվ 1 մանկապարտեզը․ այն նախատեսված է 90 երեխայի համար
Նախարարը գրառմանը կից՝ նաև տեսանյութ է հրապարակել։