Մեսսիի առաջին հեթ-տրիկն աշխարհի առաջնություններում

ԱՄՆ-ի Միսսուրի նահանգի Կանզաս քաղաքի «Արոուհեդ» մարզադաշտում, աշխարհի գործող չեմպիոն Արգենտինայի հավաքականը 3-0 հաշվով վստահ հաղթանակ տարավ Ալժիրի ընտրանու նկատմամբ՝աշխարհի 2026 թվականի առաջնության առաջին տուրի J խմբի մեկնարկային խաղում։ Այս մասին տեղեկանում ենք «Արմսպորտ»- ից։

Հանդիպման գլխավոր հերոս դարձավ Լիոնել Մեսսին, որն մասնակցեց իր թիմի բոլոր գոլային գրոհներին և դարձավ հեթ-տրիկի հեղինակ։

Խաղի 17-րդ րոպեին արգենտինացիների ավագը բացեց հաշիվը, իսկ խաղի 60-րդ րոպեին կրկնապատկեց այն։

76-րդ րոպեին Նիկո Գոնսալեսի փոխանցումից հետո Մեսսին խփեց իր երրորդ գնդակը՝ ձևակերպելով հանդիպման վերջնահաշիվը։

Լեգենդար ֆուտբոլիստի համար այս հանդիպումը պատմական նշանակություն ունեցավ։  Սա Մեսսիի առաջին հեթ-տրիկն էր աշխարհի առաջնություններում, որի շնորհիվ նա իր գոլերի քանակը հասցրեց 16-ի՝ հավասարվելով մունդիալների պատմության բոլոր ժամանակների լավագույն ռմբարկու, գերմանացի Միրոսլավ Կլոզեին։