Մոսկվան կարող է վերանայել Հայաստանի հետ հարաբերությունների ձևաչափը և ԵԱՏՄ կարգավիճակը․ Զատուլին

ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը նշել է, որ Մոսկվան պետք է զբաղեցնի սկզբունքային դիրքորոշում՝ չճանաչելով ընտրությունները որպես լիովին ժողովրդավարական, սակայն շարունակելով գործնական հարաբերությունները Հայաստանի գործող իշխանության հետ՝ փաստացի ընդունելով իրավիճակը, բայց ոչ իրավական մակարդակով, այս մասին հայտնում է «Московский комсомолец»–ը։

Նրա խոսքով՝ պետք է դիտարկել Հայաստանի հետագա կարգավիճակը ԵԱՏՄ-ում, իսկ անհրաժեշտության դեպքում՝ նույնիսկ քննարկել դրա անդամակցության դադարեցման հարցը։

Զատուլինը նաև նշել է, որ գազի գների և այլ տնտեսական պայմանների հարցերը պետք է վերանայվեն՝ հաշվի առնելով Հայաստանի արտաքին քաղաքական ընտրությունները։

Նա հավելել է, որ եթե Հայաստանը շարունակի մոտեցումը դեպի ԵՄ և փոխի իր ռազմավարական ուղղությունը, ապա հնարավոր է նաև ռուսական ռազմաբազայի, ինչպես նաև երկկողմ հարաբերությունների այլ ձևաչափերի վերանայում։

Ըստ նրա՝ Մոսկվան չի նախաձեռնի հարաբերությունների կտրուկ սրում, սակայն կարձագանքի զարգացումներին, իսկ քաղաքական մակարդակի շփումները կարող են նվազել։