Նախատեսվում է մեծացնել Կապսի ջրամբարի ծավալը

ՀՀ տարածքային կառավարման և ենթակառուցվածքների նախարար Դավիթ Խուդաթյանը տեղեկացրել է, որ Կապսի ջրամբարի ծավալը նախատեսվում է մեծացնել շուրջ 2,5 անգամ՝ հասցնելով 60 մլն խորանարդ մետրի։ Նախարարն ասել է, որ Կապսի ջրամբարի հետ կապված՝ նախորդ տարի խզել են չինական կապալառու ընկերության հետ ունեցած  պայմանագիրը, որովհետև օրացուցային ժամկետից էական շեղումներ  են եղել։

Դավիթ Խուդաթյանի խոսքով հիմա 60 միլիոն խորանարդ մետրի ծավալով ջրամբարի կառուցման նախագիծ ունեն և

այն պատրաստ լինելուց  և բոլոր անհրաժեշտ փորձաքննություններն անցնելուց հետո կհայտարարվի նոր մրցույթ՝ ակնկալելով նոր շինարար ունենալ, որը կկարողանա նոր գրաֆիկով սահմանված ժամկետում շահագործման հանձնել Կապսի ջրամբարը։

«Սա ջրամբարաշինական ոլորտում մեր ամենախոշոր ծրագիրն է և մեր ուշադրության կենտրոնում է », - ասել է Խուդաթյանը։