ՆԳՆ-ն և ԲՏԱՆ-ը քննարկել են հայրենական տեխնոլոգիաների կիրառումը Ոստիկանությունում ու Փրկարար ծառայությունում

ՀՀ ներքին գործերի նախարար Արփինե Սարգսյանը և Բարձր տեխնոլոգիական արդյունաբերության նախարար Մխիթար Հայրապետյանն այցելել են Ռազմարդյունաբերության կոմիտե: Հանդիպման առանցքում եղել է տեղական ռազմարդյունաբերական և գիտահետազոտական ներուժի օգտագործումը ՆԳՆ համակարգում:

Կոմիտեի նախագահ Արամ Ջիվանյանը նախարարներին է ներկայացրել հայկական ինժեներական թիմերի մշակած նորարարական և բարձր տեխնոլոգիական լուծումները: Կողմերը քննարկել են այդ արտադրանքի կիրառման հնարավորությունները Ոստիկանության ու Փրկարար ծառայության տեխնիկական արդիականացման համար:

Ընդգծվել է, որ պետություն-մասնավոր հատված արդյունավետ գործակցությունը ռազմավարական նշանակություն ունի երկրի անվտանգության ամրապնդման և տեխնոլոգիական ինքնաբավության ապահովման գործում: