Նոր Սահմանադրության նախաբանում Անկախության հռչակագրին հղում չկա. Արուսյակ Ջուլհակյան

Նախաբանը, որը ենթադրվում է, որ պետք է լինի նախագծում, իր մեջ չի պարունակում հղում անկախության հռչակագրին, այդտեղ Ալիևը ոչ մի կապ չունի։ Այս մասին ԱԺ-ում մշտական հանձնաժողովների նախագահների ընտրության ժամանակ ասել է ԱԺ պետաիրավական հարցերի մշտական հանձնաժողովի նախագահի պաշտոնում առաջադրված Արուսյակ Ջուլհակյանը: 

«Որևէ բան Սահմանադրության տեքստից չի հանվել, որովհետև մենք գրում ենք նոր Սահմանադրություն: Մենք ոչ թե վերցրել ենք Սահմանադրությունը և մեջից ինչ-որ բաներ ջնջել կամ ավելացրել, այլ վերցրել ենք դատարկ թուղթ, և վրան սկսել ենք գրել նոր Սահմանադրության տեքստ: Դեռ քննարկման կարիք կա, այդ թվում թիմի ներսում»,–ասել է Ջուլհակյանը։