Ոստիկանական համակարգում սպասվում են շարունակական բարեփոխումներ

Արմենպրեսի փոխանցմամբ՝ Հայաստանի Ներքին գործերի նախարարությունում Ոստիկանության 108-րդ տարեդարձին նվիրված կոլեգիայի հանդիսավոր նիստին իր ելույթում խոսելով անկախացումից ի վեր ոստիկանության համակարգի կայացման փուլերի մասին՝ ՀՀ վարչապետ Նիկոլ Փաշինյանն ընդգծել է, որ դրանք շրջադարձային են եղել իրավակարգի և կարգուկանոնի պահպանման և ամրապնդման համար:

Անդրադառնալով բարեփոխումներին Փաշինյանն ընդգծել է. «Երբ ոստիկանության ոլորտի բարեփոխումները սկսել էինք, այն ժամանակ դա ֆանտաստիկայի ոլորտից էր թվում, երբ մտածում էինք, որ պարեկային ոստիկանություն լինի՝ ամբողջությամբ վերազինված նոր տեխնիկայով, սարքավորումներով, մեքենաներով և այլն:

Վարչապետը հավելել է նաև, որ բարեփոխումները շարունակական են լինելու, քանի որ կյանքն ու ընկալումներն անհամաչափորեն արագ են փոփոխվում և ամենօրյա աշխատանքն իր մեջ պետք է պարունակի բարեփոխման տարր: