Ուրսուլա ֆոն դեր Լայենը հույս է հայտնել, որ ԱՄՆ-ի և Իրանի համաձայնությունը թույլ կտա անհապաղ վերաբացել Հորմուզի նեղուցը

X սոցիալական ցանցում Եվրահանձնաժողովի ղեկավար Ուրսուլա ֆոն դեր Լայենն անդրադարձել է ԱՄՆ- Իրան հարաբերություններին, ողջունել է ԱՄՆ-ի և Իրանի միջև համաձայնագիրը, որը կնքվել է մի շարք գործընկեր երկրների ակտիվ դիվանագիտական ջանքերի հիման վրա: Հույս է հայտնել, որ համաձայնագիրը թույլ կտա անհապաղ վերաբացել Հորմուզի նեղուցը։ Նա գրել է, որ նավագնացության ազատությունը պետք է վերականգնվի անվճար հիմունքներով։

«Սա էական է տարածաշրջանային կայունության և համաշխարհային տնտեսության համար։ Այն դուռ է բացում Մերձավոր Արևելքում խաղաղության և անվտանգության վերաբերյալ ավելի լայն բանակցությունների համար։ Եվ պետք է վերջ դնի Իրանի միջուկային և բալիստիկ ծրագրերին ու տարածաշրջանում նրա ապակայունացնող գործունեությանը»,- գրել է  Ուրսուլա ֆոն դեր Լայենը: