ՈՒՇԱԴՐՈՒԹՅՈՒՆ. ԿԱԴԱՍՏՐԻ ԿՈՄԻՏԵՆ ԶԳՈՒՇԱՑՆՈՒՄ Է

Կադաստրի կոմիտեն հաղորդագրություն է գրել իր պաշտոնական կայքում  զգուշացնելով քաղաքացիներին․

"Հարգելի քաղաքացինե՛ր, այսօր Կադաստրի կոմիտեին սպասարկող կազմակերպությունից տեղեկություն է ստացվել, որ կոմիտեի անունից քաղաքացիներին ուղարկվել են այլ կայքերի հղումներով SMS հաղորդագրություններ, որոնք որևէ առնչություն չունեն Կադաստրի կոմիտեի գործառույթների հետ։"

Կոմիտեից նշել են նաև նամակների բովանդակության մասին․

Այս պահին նամակներն առավելապես ունեն այսպիսի բովանդակություն.

«Booking.com: Refund of 243,360 AMD has been processed. Please verify your card details within 24 hours to receive the money: <հղում>»

‼️ԽՆԴՐՈՒՄ ԵՎ ՀՈՐԴՈՐՈՒՄ ԵՆՔ

Չարձագանքել նման հաղորդագրություններին, դրանց միջոցով չտրամադրել անձնական տվյալներ:

Եթե ուղարկվում են հղումներ, չբացել դրանք, –ասվում է հաղորդագրությունում։