Ուսումնական գործընթացը պետք է զերծ պահել քաղաքական քարոզչությունից

Հայաստանի կրթության, գիտության, մշակույթի և սպորտի նախարար Ժաննա Անդրեասյանը Ազգային ժողովի հերթական նիստի ընթացքում անդրադարձել է առաջիկա օրերին  մեկնարկող պաշտոնական քարոզարշավին և ասել է, որ ր չի թույլատրվելու կրթական հաստատությունները դարձնել քաղաքական գործունեության բեմահարթակ։

«Ահազանգի պարագայում յուրաքանչյուր դեպքի մասով օրենքը գործելու է ամբողջ խստությամբ»,- հայտարարել է նախարարը:

Ժաննա Անդրեասյանը տեղեկացրել է նաև, որ ուսումնական հաստատություններում աշխատող բոլոր քաղաքացիներին հրահանգված է  պահպանել օրենքի պահանջը՝ ուսումնական գործընթացը զերծ պահելով քաղաքական քարոզչությունից: