«Ուժեղ Հայաստան»-ի գրասենյակներում կատարվել են մի շարք խուզարկություններ, ձերբակալվածներ կան

«Ուժեղ Հայաստան» կուսակցության գրասենյակներում կատարվել են մի շարք խուզարկություններ, ԶԼՄ-ներին հայտնել են Հակակոռուպցիոն կոմիտեից։

Կոմիտեից տեղեկացրեցին՝ կան ձերբակալված անձինք։

«Ընտրակաշառք տալու և քաղաքացիների ընտրական իրավունքի ազատ իրականացմանը խոչընդոտելու նախապատրաստման դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակներում կատարվել են մի շարք խուզարկություններ և վարութային այլ գործողություններ «Ուժեղ Հայաստան» կուսակցության՝ Լոռու մարզում գործող գրասենյակներում:

«Խուզարկություն է իրականացվել նաև «Համակցված կերերի» խանութի ներքո քողարկված գրասենյակում։ Կան ձերբակալված անձինք:

Կատարվում է նախաքննություն»,- հայտնել են կոմիտեից։

Անհրաժեշտության դեպքում Հակակռուպցիոն կոմիտեն կտա լրացուցիչ տեղեկատվություն։