«Ուժեղ Հայաստան»-ի հավաքին մասնակցելու համար ստացել են 15.000-ական դրամ գումար. երկու անձ կալանավորվել է

Քննչական կոմիտեի Արմավիրի մարզային քննչական վարչությունում նախաձեռնված քրեական վարույթի շրջանակում բացահայտվել է, որ մի խումբ անձանց առաջարկվել է գումար՝ քաղաքական հավաքին մասնակցելու դիմաց, այս մասին հայտնում է ՀՀ քննչական կոմիտեն։

Ըստ քննչական տվյալների՝ Ն.Թ.-ն կազմակերպել է մարդկանց ներգրավում՝ խոստանալով յուրաքանչյուր մասնակցի վճարել 15 հազար դրամ։ Գ.Ա.-ն իր հերթին ներգրավել է մի խումբ անձանց, որոնք մասնակցել են «Ուժեղ Հայաստան» կուսակցության հավաքին և հետո ստացել խոստացված գումարը։

Գ.Ա.-ի նկատմամբ հարուցվել է քրեական հետապնդում՝ հավաքին մասնակցելու նպատակով նյութապես շահագրգռելու հոդվածով, իսկ Ն.Թ.-ի նկատմամբ՝ նույն գործողության կազմակերպման համար։ Երկուսն էլ կալանավորվել են։

Քննության ընթացքում իրականացված խուզարկությունների արդյունքում հայտնաբերվել են նաև ապօրինի պահվող որսորդական հրացան և կանեփանման զանգված։ Քրեական վարույթի նախաքննությունը շարունակվում է։