«800 ա քո համար». նոր ձայնագրություն ընտրակաշառքի գործով

ՀՀ հակակոռուպցիոն կոմիտեի և ՀՀ ազգային անվտանգության ծառայության (ԱԱԾ) համատեղ իրականացրած գործողությունների արդյունքում ընտրակաշառք տալու բազմաթիվ դեպքեր են բացահայտվել։ Այս մասին հայտնում են ՀՀ հակակոռուպցիոն կոմիտեից:

Ըստ քննչական մարմնի փոխանցած տվյալների՝ Հակակոռուպցիոն կոմիտեում նախաձեռնված վարույթով փաստական տվյալներ են ստացվել այն մասին, որ «Ուժեղ Հայաստան» կուսակցության պատգամավորի թեկնածուն, նույն կուսակցության համակիրների հետ խմբի կազմում, Ազգային ժողովի ընտրություններին հիշյալ քաղաքական ուժի օգտին քվեարկելու համար Վայոց ձորի և Շիրակի մարզերի մի շարք բնակիչների տվել է տարբեր չափերի ընտրակաշառք։

Դեպքի առթիվ նախաձեռնված քրեական վարույթի շրջանակներում արդեն իսկ ձերբակալվել են մի շարք անձինք: Իրավապահների կողմից կատարվել են խուզարկություններ և անհրաժեշտ այլ վարութային գործողություններ։

Նախաքննությունը շարունակվում է: