«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան

«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում։ Այս մասին Ազգային ժողովի օգոստոսի 11-ի նիստում հայտարարեց «Քաղաքացիական պայմանագիր» խմբակցության պատգամավոր Տարոն Չախոյանը՝ անդրադառնալով ընդդիմադիրների քննադատություններին։

«Սերժ Սարգսյանի օրոք հայտնի գեներալներից մեկի արած հայտարարությունը մինչև այսօր ուղեղս է ծակում։ Ասում էր՝ ԱԹՍ-մաթս, դրանք ծիտիկներ են, մեր ինչի՞ն է պետք ԱԹՍ-ն, «Գուգլի» քարտեզը կբացենք, կտեսնենք՝ ինչ է կատարվում։ Ու սա այն ժամանակ, երբ Ադրբեջանում 10 և ավելի տարի առաջ արդեն սկսվել էր ԱԹՍ-ների արտադրությունը»,- ընդգծեց պատգամավորը։

Անդրադառնալով «Հայաստան» խմբակցության՝ սպառազինության վերաբերյալ քննադատությանը՝ Չախոյանը հավելեց․ «Հայաստանի և Ադրբեջանի միջև ռազմական բալանսը խախտվել է ձեր առաջնորդի՝ Ռոբերտ Քոչարյանի իշխանության օրոք, երբ հարստահարվում էին Հայաստանն ու պետական բյուջեն, իսկ երկու պետությունների միջև ռազմական դիսբալանսը գնալով ավելի էր խորանում»։