Պետք է հասկանալ՝ ով, ում, ինչի համար, ինչի է գործը կարճվել, ինչի ազատազրկված չեն. Փաշինյանը՝ ընտրակաշառքի դեպքերի մասին

Ինձ համար շատ վրդովվեցուցիչ փաստ է՝ 2021 թվականից հետո ընտրակաշառքով հարուցված գործերով մեղադրյալներից ոչ մեկն այս պահի դրությամբ բանտում չէ, բանտ չեն էլ նստել։ Այսօր այս մասին լրագրողների հետ ճեպազրույցում հայտարարել է ՀՀ վարչապետ Նիկոլ Փաշինյանը։

«Ես ասում եմ, որ բոլորը պետք է մինչև հաջորդ ընտրությունների արդյունքների ամփոփման օրը անցկացնեն բանտում, հակառակ դեպքում նշանակում է, որ մեր դատական համակարգը կանաչ լույս է տալիս ընտրակաշառք բաժանողներին, չի կարա էդպիսի բան լինի»։

Նրա խոսքով՝ պետք է հասկանալ՝ ով, ում, ինչի համար, ինչի է գործը կարճվել, ինչի ազատարկված չեն։