ՊՆ-ն հայտարարում է ԶՈՒ պատվո պահակային վաշտում ծառայության նպատակով զորակոչիկների ընտրություն անցկացնելու մասին

Հայաստանի Հանրապետության պաշտպանության նախարարությունը հայտարարում է 2026 թվականի ամառային զորակոչի շրջանակում շարքային կազմի պարտադիր զինվորական ծառայության ենթակա քաղաքացիների ընտրություն՝ ՀՀ ԶՈՒ պատվո պահակային վաշտում ծառայության նշանակելու նպատակով, հայտնում են ՀՀ ՊՆ–ից։

Նախարարության հաղորդմամբ՝ զորակոչիկների ընտրության գործընթացն անցկացվելու է N զորամասում՝ համաձայն սահմանված ժամանակացույցի.

• 2026 թվականի հուլիսի 14-ին, ժամը 10։00-ին — ՊՆ հանրապետական զինվորական կոմիսարիատի Երևանի զինվորական կոմիսարիատներում հաշվառված զորակոչիկների համար,

• 2026 թվականի հուլիսի 15-ին, ժամը 10։00-ին — ՊՆ հանրապետական զինվորական կոմիսարիատի մարզային զինվորական կոմիսարիատներում հաշվառված զորակոչիկների համար։

Լրացուցիչ հարցերի կամ տեղեկությունների համար քաղաքացիները կարող են դիմել իրենց հաշվառման վայրի զինվորական կոմիսարիատներ կամ զանգահարել ՀՀ ՊՆ թեժ գիծ՝ 1-28 հեռախոսահամարով։