«Պորտուն» ու «Բարսելոնան» ցանկացել են ձեռք բերել Սպերցյանին

Հայտնի պորտուգալացի ֆուտբոլային գործակալ Պաուլու Բարբոզան հաստատել է խոսակցությունները, թե Իսպանիայի չեմպիոն «Բարսելոնան» եւ պորտուգալական «Պորտուն» հետաքրքրված են եղել Հայաստանի հավաքականի եւ Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանի ծառայություններով, հայտնում է Sport24-ը։

«Կարծում եմ՝ «Կրասնոդարի» պահանջած գումարը շատ մեծ էր «Պորտուի» համար, իսկ «Բարսելոնայի» հետ գործարքը քննարկվել է։ Այդ նորությունները համապատասխանում են իրականությանը։ Չեմ բացառում, որ «Պորտուն» այս տարի չեմպիոն դառնալու դեպքում՝ ունենա այդպիսի ֆինանսական հնարավորություններ»,- Բարբոզայի խոսքը մեջբերում է Sport24-ը։

Ընթացիկ մրցաշրջանում Էդուարդ Սպերցյանը «Կրասնոդարի» կազմում մասնակցել է 31 հանդիպման, խփել է 12 գոլ, կատարել 16 գոլային փոխանցում։