Ռոբերտ Աբիսողոմոնյանը մասնակցել է ՍԾՏՀԿ արտաքին գործերի նախարարների խորհրդի 52-րդ նիստին

ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել է ՍԾՏՀԿ արտաքին գործերի նախարարների խորհրդի 52-րդ նիստին՝ ընդգծելով տարածաշրջանային փոխկապակցվածության, տնտեսական համագործակցության և կազմակերպության արդյունավետության ամրապնդման կարևորությունը։ Նա վերահաստատել է Հայաստանի պատրաստակամությունը ակտիվ համագործակցության համար։

ՀՀ ԱԳ նախարարի տեղակալ Ռոբերտ Աբիսողոմոնյանը տեսակապի ձևաչափով մասնակցել և ելույթ է ունեցել Սևծովյան տնտեսական համագործակցության կազմակերպության (ՍԾՏՀԿ) անդամ պետությունների արտաքին գործերի նախարարների խորհրդի 52-րդ նիստին, այս մասին հայտնում է ՀՀ ԱԳՆ–ն։

Իր ելույթում նա ընդգծել է Հայաստանի կողմից տարածաշրջանային փոխկապակցվածության ամրապնդման և տնտեսական համագործակցության հնարավորությունների ընդլայնմանն ուղղված կառուցողական օրակարգը։ Միաժամանակ կարևորվել է ՍԾՏՀԿ-ի և դրա մարմինների արդյունավետության ու գործառնական մեխանիզմների ամրապնդումը։

Ռոբերտ Աբիսողոմոնյանը վերահաստատել է, որ Հայաստանը, որպես Մշակույթի, Զբոսաշրջության և Մաքսային հարցերով ՍԾՏՀ աշխատանքային խմբերի համակարգող երկիր, պատրաստ է շարունակել ներդնել իր ջանքերը նշված ոլորտներում համագործակցության զարգացման նպատակով։

Նա նաև ողջունել է Հունաստանի Հանրապետության կողմից ՍԾՏՀԿ նախագահության ստանձնումը՝ ընդգծելով Հայաստանի պատրաստակամությունը կազմակերպության շրջանակներում սերտ համագործակցության և կառուցողական ներգրավվածության ապահովման ուղղությամբ։

Ռոբերտ Աբիսողոմոնյանը մասնակցել է ՍԾՏՀԿ արտաքին գործերի նախարարների խորհրդի 52-րդ նիստին

Կիսվել

Կարդացեք նաև

ԵԽԽՎ-ն հաստատել է Հայաստանի 2026թ․ ընտրությունների վերջնական զեկույցը․ արձանագրվել են ռուսական աննախադեպ միջամտություն և ներքին բևեռացում

Նորընտիր իշխանությունները ժողովրդի կողմից ստացել են հստակ մանդատ, որը պետք է այժմ պատվով իրագործեն. Հայկ Կոնջորյան

Մենք որևէ լարվածություն չունենք Ադրբեջանի հետ մեր հարաբերություններում. բոլոր հարցերը քննարկվում են խաղաղ ճանապարհով. Կոբախիձե