Ռուսաստանի ԱԳՆ-ն արձագանքել է Ռուսաստանի հետ կապերի վերաբերյալ Հայաստանի հայտարարություններին

Ռուսաստանի հետ կապերի պահպանման և զարգացման կարևորության մասին Հայաստանի իշխանությունների հայտարարությունները չեն համապատասխանում հանրապետության ղեկավարության գործողություններին, որը ձգտում է անդամակցել ԵՄ-ին, հայտարարել է Ռուսաստանի արտաքին գործերի նախարարության խոսնակ Մարիա Զախարովան «ՌԻԱ Նովոստի»-ին տված հարցազրույցում։

Ռուսական լրատվամիջոցների փոխանցմամբ՝«Մենք լսում ենք հայ պաշտոնյաների հայտարարությունները Մոսկվայի՝ որպես գործընկերոջ կարևորության և Երևանի՝ Ռուսաստանի հետ հարաբերությունները պահպանելու և զարգացնելու մտադրության մասին։ Սակայն, ցավոք, մենք չենք տեսնում, որ այս խոսքերը համընկնեն Հայաստանի ղեկավարության գործողությունների և քայլերի հետ, որը հստակորեն արտահայտել է ԵՄ-ին անդամակցելու իր ցանկության մասին», - ասել է Զախարովան։

Նրա խոսքով՝ Հայաստանը մտադիր չէ դանդաղեցնել եվրոպական չափանիշների ներդրման գործընթացը։