Ռուսաստանի ԱԳՆ-ն ներկայացրել է, թե ինչ միջոցներ կարող է ձեռնարկել ՀԱՊԿ-ը Հայաստանի պարտքերի պատճառով

Հայաստանը կարող է զրկվել Հավաքական անվտանգության պայմանագրի կազմակերպության (ՀԱՊԿ) աշխատանքային մարմիններում քվեարկության իրավունքից՝ անդամավճարները չվճարելու պատճառով՝ մինչև պարտքերի լրիվ մարումը, ՌԻԱ Նովոստիին տված հարցազրույցում հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան։

«Կազմակերպության կանոնադրության 25-րդ հոդվածի համաձայն՝ պետության նկատմամբ կարող են միջոցներ ձեռնարկվել, եթե այն չի կատարում իր պարտավորությունները, մասնավորապես, եթե այն երկու տարվա պարտք ունի բյուջեի նկատմամբ։Նման դեպքում կարող են միջոցներ կիրառվել։ Դրանք են՝ այդ պետության քաղաքացիներին քվոտային պաշտոններ առաջադրելու իրավունքի կասեցումը, ինչպես նաև աշխատանքային մարմիններում քվեարկության իրավունքից զրկումը՝ մինչև պարտքերի լրիվ մարումը», - ասել է Զախարովան։