«Россия 1»-ի եթերում Արցախի դրոշով զինվորական է հայտնվել. Բաքուն դա «պրովոկացիա» է որակել

Ռուսական պետական «Россия 1» հեռուստաալիքի եթերում ցուցադրվել է Ուկրաինայի դեմ պատերազմող ռուսական կամավորական կորպուսի «Արբատ» հատուկ նշանակության առանձին գումարտակի մասին պատմող ռեպորտաժ, որտեղ ներգրավված են հայկական ծագմամբ զինվորականներ:

Տեսանյութում ներկայացվում են գումարտակի անդամները, այդ թվում՝ «Моська» կոչանշանով ինժեները, ում զինվորական համազգեստին փակցված են Արցախի դրոշն ու «ARTSAKH» գրությամբ տարբերանշանը: Վերջինս նշում է, որ Արցախը կորցնելուց հետո միացել է իր ընկերներին՝ ռուսական կողմում կռվելու համար: 

Ադրբեջանական պրոիշխանական մամուլն այս եթերն արդեն որակել է «պրովոկացիոն» ու ուղղված իրենց տարածքային ամբողջականության և ինքնիշխանության դեմ: