Սա մեր բարոյական պարտքն էր․ Իսրայելի ԱԳ նախարարը՝ Հայոց ցեղասպանության ճանաչման մասին

Սա, իմ կարծիքով, մեր՝ որպես հրեաների, բարոյական պարտքն էր, հայտնել է Իսրայելի ԱԳ նախարար Գիդեոն Սաարն այն բանից հետո, երբ երկրի նախարարների կաբինետը միաձայն հավանություն է տվել Հայոց ցեղասպանության ճանաչման մասին բանաձևին։

«Այս սարսափելի ցեղասպանությունը տեղի է ունեցել ավելի քան 100 տարի առաջ, և պատմական փաստերի վերաբերյալ իրական վեճեր չկան։ Այն ներառել է մեկուկես միլիոն մարդու սպանությունը և հնագույն մշակութային ու պատմական ժառանգության ոչնչացումը։ Սա, իմ կարծիքով, մեր՝ որպես հրեաների բարոյական պարտքն էր։ Կցանկանայի շնորհակալություն հայտնել վարչապետ Բենիամին Նեթանյահուին և նախարարների կաբինետում իմ գործընկերներին՝ աջակցության համար»,-կարճ ելույթում ասել է նախարարը։