Սևանա լճի մակարդակը 2026 թվականի հուլիսի 13-19-ն ընկած ժամանակահատվածում բարձրացել է 1 սմ-ով

«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Սևանա լճի հիդրոլոգիական ռեժիմի ցուցանիշները 2026 թվականի հուլիսի 13-19-ն ընկած ժամանակահատվածի համար:

Ըստ ներկայացված տվյալների՝ հուլիսի 13-19-ն ընկած հատվածում Սևանա լճի մակարդակը բարձրացել է 1 սմ-ով և հուլիսի 19-ի դրությամբ կազմել 1900.81 մ։

• Նախորդ տարվա նույն օրվա ցուցանիշի համեմատ լճի մակարդակը բարձր է 16 սմ-ով,

• 2026 թվականի հունվարի 1-ի մակարդակի համեմատ բարձր է 59 սմ-ով։

• Արփա-Սևան ջրատարով հուլիսի 13-19-ը լիճ է տեղափոխվել 5.083 մլն խմ ջուր։ Հունվարի 1-ից հուլիսի 19-ը ներառյալ ընդհանուր ներհոսքը կազմել է 158.017 մլն խմ:

• Սևանա լճից բացթողնված ջրի ծավալը (ըստ Հրազդան ՀԷԿ-ի ուղղաթեք ջրանցքի Գեղամավան դիտակետի) հուլիսի 13-19-ն ընկած ժամանակահատվածում կազմել է 3.787 մլն խմ։ Հուլիսի 2-ից 19-ը ներառյալ ընդհանուր գումարային բացթողումը կազմել է 7.224 մլն խմ: