Սևանա լճի մակարդակը անցյալ տարվա նույն օրվա համեմատությամբ բարձր է 14 սմ-ով․ Լևոն Ազիզյան

Սևանա լճի մակարդակը շարունակում է բարձրանալ։ Այս մասին Ֆեյսբուքի իր էջում տեղեկացրել է Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը:

Ըստ պաշտոնական տվյալների՝ լճի մակարդակն այսօր հասել է 1900.80 մետր նիշին, որը 2021 թվականի հունիսի 30-ից ի վեր գրանցված ամենաբարձր ցուցանիշն է։

«Լճի մակարդակը անցյալ տարվա նույն օրվա համեմատությամբ բարձր է 14 սմ-ով, իսկ տարվա սկզբի համեմատությամբ բարձրացել է 58 սմ-ով»,- նշել է Ազիզյանը։