Սևանա լճի մակարդակը հուլիսի 27-ից օգոստոսի 2-ն իջել է 1 սմ-ով

Սևանա լճի մակարդակը 2026 թվականի օգոստոսի 2-ի դրությամբ կազմել է 1900.77 մ։ Չնայած հուլիսի 27-ից օգոստոսի 2-ն ընկած ժամանակահատվածում լճի մակարդակն իջել է 1 սանտիմետրով, այն շարունակում է զգալիորեն գերազանցել նախորդ տարվա ցուցանիշը՝ 2025 թվականի նույն օրվա համեմատ լինելով 16 սմ-ով բարձր։

Տարվա սկզբի համեմատ նույնպես արձանագրվել է դրական դինամիկա. 2026 թվականի հունվարի 1-ի համեմատությամբ Սևանի մակարդակն ավելացել է 55 սմ-ով։

• Արփա-Սևան ջրատար. Հուլիսի 27-ից օգոստոսի 2-ն ընկած շաբաթվա ընթացքում ջրատարով Սևանա լիճ է տեղափոխվել 2.270 մլն մ³ ջուր։ Ընդհանուր առմամբ, տարեսկզբից (հունվարի 1-ից օգոստոսի 2-ը ներառյալ) Արփա-Սևանով լիճ է հոսել 163.634 մլն մ³ ջուր։

• Ջրառը Սևանա լճից. Հրազդան ՀԷԿ-ի ուղղաթեք ջրանցքի Գեղամավան դիտակետով հուլիսի 27-ից օգոստոսի 2-ը բացթողնված ջրի ծավալը կազմել է 6.278 մլն մ³։

Ըստ հիդրոլոգիական տվյալների՝ հուլիսի 2-ից օգոստոսի 2-ն ընկած մեկամսյա հատվածում Սևանա լճից իրականացված ընդհանուր գումարային ջրբացթողումը կազմել է 19.327 մլն մ³։