Շաբաթ, մայիսի 9
USD--EUR--RUB--
Երևան --
Հայաստանի Տեղեկատվական Զարկերակը
Հայաստան
9 մայիսի 2026 • 09:37

Շուշին, ողջ գերեվարված Արցախ հայրենիքը նայում է մեզ․․․ Բագրատ Սրբազան

Մենք մեր հերոսներին, մեր նահատակներին երազ ու հաղթանակ ենք պարտք:

Շուշին, ողջ գերեվարված Արցախ հայրենիքը նայում է մեզ․․․ Բագրատ Սրբազան

Հաղթանակն այլընտրանք չունի․ իր ուղերձում ընդգծել է Բագրատ Սրբազանը։

«Շուշիի՝ մեր չքնաղ դշխոյի ազատագրության օրն է այսօր, միևնույն ժամանակ, մեր գողացված և կողոպտված ուրախության օրը:

Այս օրը լույսն ու խավարը խառնվել են իրար, բայց լույսը աստվածային զարմանալի հատկություն և ուժ ունի, որ միշտ, անգամ մի շողը, հաղթում է խավարի ողջ թանձրությանը, որքան էլ այն խորը և ծավալուն լինի:

Խոնարհումս մեր լույս նահատակների առջև: Ինչպես միշտ ասել եմ՝ ես, մենք պարտք ունենք ձեզ վերադարձնելու:

Մենք մեր հերոսներին, մեր նահատակներին երազ ու հաղթանակ ենք պարտք:

Որքան էլ անհավատալի և անհույս թվա ոմանց, ես հավատում եմ Հայոց գալիք Հաղթանակին, քանի որ մենք այս աշխարհից կմեկնենք նզովված կամ օրհնված:

Շուշին, ողջ գերեվարված Արցախ հայրենիքը նայում է մեզ… Իսկ մեր կոչումն է հանդիպել այդ հայացքին և դարձյալ կոչվել Ազգ Հաղթության և հավատարմության:

Եվ այո՛, Հայոց Գալիք Հաղթանակն այլընտրանք չունի», - ասված է ուղերձում։

Կիսվել

FacebookTwitterTelegramVK

Կարդացեք նաև