Շվեդիան պարտության մատնեց Թունիսին, Կոտ դ’Իվուարը՝ Էկվադորին

Աշխարհի առաջնության խմբայն փուլի առաջին տուրում Շվեդիայի հավաքականը 5:1 հաշվով պարտության է մատնել Թունիսին ու F խմբի առաջատարն է։

Դուբլի հեղինակ է դարձել «Բրայթոնի» կիսապաշտպան Յասին Այարին։ Աչքի ընկան անգլիական «Լիվերպուլի» հարձակվող Ալեքսանդր Իսակը, Լոնդոնի «Արսենալի» հարձակվող Վիկտոր Դյոկերեշը եւ գերմանական «Վոլֆսբուրգի» կիսապաշտպան Մատիաս Սվանբերգը։

Թունիսի թիմից միակ գոլը խփել է սլովենական «Մարիբորի» պաշտպան Օմար Ռեկիկը։

Այս խմբի առաջին տուրի մյուս խաղում Նիդերլանդների և Ճապոնիայի հավաքականները խաղացել էին ոչ ոքի՝ 2:2:

E խմբում Կոտ դ’Իվուարը 1:0 հաշվով հաղթեց Էկվադորին եւ 3 միավորով երկրորդ տեղում է։

Անգլիական «Մանչեսթեր Յունայթեդի» հարձակվող Ամադա Դիալոն խփել է միակ գոլը։

Առաջատարը Գերմանիան է։ Թիմը 7:1 հաշվով հաղթել էր Կյուրասաոյի թիմին։