Սիրիական դատարանը հեռակա կարգով մահապատժի է դատապարտել Բաշար ալ-Ասադին

Սիրիական դատարանը հեռակա կարգով մահապատժի վճիռ է կայացրել երկրի նախկին նախագահ Բաշար ալ-Ասադի նկատմամբ։ Նրան մեղադրանք է առաջադրվել քաղաքացիական պատերազմի ընթացքում «ռազմական հանցագործություններ» և «մարդկության դեմ ուղղված հանցագործություններ» իրականացնելու համար։

Նույն գործի շրջանակում մահապատժի է դատապարտվել նաև Ասադի մորական կողմից զարմիկ Աթեֆ Նաջիբը։ Վերջինս Դարաայի հարավային նահանգում ղեկավարել էր այն բռնաճնշումները, որոնք հիմք էին դարձել համատարած ապստամբության, իսկ հետագայում՝ արյունալի քաղաքացիական պատերազմի բռնկման համար։