Սոֆիայում փողոցներից մեկը կկրի «Հայաստան ճեմուղի» անվանումը

Սոֆիայի քաղաքային խորհուրդը միաձայն որոշում է ընդունել մայրաքաղաքի Պեյո Յավորով թաղամասում գտնվող փողոցներից մեկը անվանակոչել «Հայաստան ճեմուղի», այս մասին հայտնում է Բուլգարիայում Հայաստանի դեսպանությունը։

Որոշումն ընդունվել է 33 կողմ, 0 դեմ և 0 ձեռնպահ ձայներով։ Նախաձեռնության հեղինակները նշում են, որ այն խորհրդանշում է հայ և բուլղար ժողովուրդների միջև ձևավորված բարեկամական հարաբերությունները, ինչպես նաև արժևորում Բուլղարիայում հայկական համայնքի ներդրումը։

«Հայաստան ճեմուղու» պաշտոնական բացման մասին կհայտարարվի ավելի ուշ։